قلب الصبا بقلم رامز عيد

قلب الصبا

باب العمر دقيت عالسكيت
سنين الورا تتمرجح ببالي
واعي الفكر بيقظتي حسيّت
حنيت وتمنيت اتغلغل بحالي

عمر الصبا بكبرتي تمنيّت
قلبي الشقي يتخبط حيالة
عين النظر بلوعتي ملّيت
عطر الحلا يتمايل قبالي

هويت الزهر و الورد حبيّت
بعدو بربيع اللون بيلالي
ماشوك يجرحني بالقمر شمّيت
سكرة عطر لفّاح يحلالي

لمّيت حسي و لوردتي طلّيت
شامخ بصدر نسور بالعالي
نجوم الضيا ببسمتي حطّيت
متل البدر نيسان بهلالة

طلبت القرب و بخبرتي نقيّت
شهد الحكي لعيون قتالة
فتحت بقصيدة ابياتها غنيّت
بالاوف تشهق آه ه معسالة

قالت كبير شوي تاجنيّت
وصار الحكي بمحصد غلالي
بالمرجلة و الحب عالهدا رديّت
بالايد المس خد لوصالي

قلت النضج و العقل لمّيت
هوى العشاق بالحق لمثالي
نبدك شقا عالشقا تربيّت
روح الصبا بالدم سيّالة

قلبي نخمر ع سكرتو نعلّيت
غوى الايام ما بيمرح خيالي
ذوقي حنيني ل عالسهر ضوّيت
تا ذوق كم الورد بربوعو
عمري فداكي يموع كلكالي(صدري)

رامز عيد

١٨/٠٥/٢٠١٦