★★★★★★★★★★★★★★★★★★ رسالة شهيد ★★★★★
امى الحبيبه بعد السلام والتحيه
كتبت رسالتى
لأنى ممكن فى اى لحظه
اموت شهيد فدا الوطن
فى عيدك يا امى ماتبكيش عليا
ماتقوليش لو كنت عايش
كنت اجيبلك ورده هديه
رجائى يا امى
ماتفتحيش دولابى
ولاتبوسى هدومى
ولاتشوفى صورى بعنيكى
ولايبات فى حضنك البومى
رجائى يا امى
شيلى نظارتى وساعتى
وبطاقتى ومحفظتى
وكابى وحزامى
وقميصى وبنطلونى
من قدام عنيكى
هما اللى بيفكروكى بيا
ويبكو عنيكى عليا
ماتبكيش يا ام الشهيد
دموع عنيكى غاليه عليا
فى عيدك يا امى
ماتبكيش عليا
يوم ما خرجت علشان
احميها من العدوان
واصون حدودها
وارضها
وارفع راية النصر لمصر
كانت الفرحه جوه عنيا
كنت بابوس يومها ايداكى
واحضن فيكى
كأنى بودعك يا امى
وكأنى
مش راجع تانى ليكى
من اوفى واخلص اسم بلادى
جمهورية مصر العربيه
بسم الله والله اكبر
وبسم تاريخ وحضارة اجدادى
وبكل صرخه قويه
تحياتى يا امى
كل سنه وانتى طيبه
وفى عيدك يا امى
ماتبكيش عليا
اوجاع مملكة
الاحزان
كلمات
الشاعر / إسلام السيد حسن السيد سالم عامر
( إسلام عامر )
( رسالة شهيد )
ليست هناك تعليقات:
إرسال تعليق