غنية
(غاب يومين)
غاب يومين - والتالت جانى
شفته جانى - إتهز كيانى
لقيت نفسى حلوه بتجرى
نادت قلبى - صحت عمرى
خرجت م العصر الحجرى
دخلت وريدو وشريانى
قلتله كنت فين ياعنيه؟
قالى الصحه بعافيه شويه
قلت - ألف سلامه عليك
ياريتني عيون أتوجع فيك
قالى بعد الشر عنيك
ولقيت روحى رجعت تانى
غاب يومين والتالت جانى
جانى الطيب نور - نور
نوره - زاد القلب شعور
خدنا - إدينا فى أحلى كلام
عشت غرام ولا فى الأحلام
شفت معاه - أجمل أيام
شفت بعينى حاجات عجبانى
غاب يومين والتالت جانى
شفته جانى - إتهز كيانى
كلمات
حربي علي
شاعرالسويس
ليست هناك تعليقات:
إرسال تعليق