ليه بقلمي / عبيد رياض محمد

ليه
ليه تسيئ الظن فيا
و إنتي أقرب مني ليا
و الحياة من غيرك إنتي
إيه تكون

ليه كدا دايماً مفارقة
دا الحياة مابقتش فارقة
ليه كدا ف الوهم غارقة
و بيتعبك كتر الظنون

ليه تقولي عليا خاين
و الحنين في عيون باين
عايش حياتي لهواكي صاين
و إنتي غلباكي الظنون

عايزة إيه ما تقولي يالله
حبي ليكي مش مجاملة
زي ما أكون عملت عملة
نزلت دمع العيون

نفسي أقول إحساسي بيكي
و الحنين فيا يناديكي
لما اشوف نظرت عبنيكي
كل شيء في الكون يهون

لو تصدق يا حياتي
ياللي حبك هو ذاتي
والله لو تطلب حياتي
لأجلك إنتي الروح تهون

نفسي أقول من قلبي حاجة
عشت وياكي في سعادة
لو لغير الله في عبادة
لغيرك إنتي ما تكون

ليه

بقلمي / عبيد رياض محمد

15/7/2016

إظهار مزيد من التفاعلات