يا ساحر
بقلم خراط الكليمات اشرف رمسيس
يا ربيع يا ساحر يا مجمع
فلوب العاشقين
جوك خواطر لو كنت ماطر
مطرك يداعب الزهور
يروي المشاعر اللى ليك
ويا القلوب دول مشتاقين
صوت الطيور صوت البلابل
لون الجمال ذهب السنابل
والقطن زهره فتح ياواد
وجمالو قادر يحيى الفؤاد
لما يقابل روح الحياه
ف جدول مياه والعطر ساحر
يسحر قلوب الفنانين
يرسم زهور واحلام تدور
بدر البدور من بين قصور
طالعة تصبح بالاغانى على الطيور
عابره البحور على بحر نور
والبر حاضن شجر الربيع
ابو لون بديع ابو جو ساحر
عصفوري شافها وبسرعة غنى
بين الغصون وقال دى جنة
وبالف لون
راحت همومنا فى ربيع امالنا
لما انشغلنا بفراشة طايره
فوق غصن وردة لونها بديع
فرحانة تعلن بجناح ملون
جانا الربيع
يا فصل فاصل فى الحياه
فى قلوبنا واصل يحكى اللى حاصل
لما يغنى من جوا منى
واسبح بفكرى وخيالى يجرى
واجرى وراه فوق السحاب
وربعنا راجع
راجع بيهمس
بعد الغياب
ليست هناك تعليقات:
إرسال تعليق