(زمن غريب) بقلم الشاعر حربي علي

(زمن غريب)

زمن غريب يجمع - يفرق 
ماشى بطريق ديما يغرق
بحر وموجه عالى جدا 
قلبه ميت ويقولى أحسن
ومره يرجع بشوق يجنن
شوق يخلى القلب ينطق
زمن غريب يجمع - يفرق

نادانى - قالى يلا بينا
نحب نعشق الحب زينا
منى ليك مجداف ومركب 
تعالى عدى الحزن شطب
جيت أعدى بحره وأشرب 
لقيته مالح حادق - معتق
زمن غريب يجمع يفرق

ومره تانى بالشوق نادانى 
لقيت معاه عمري ثوانى 
شفت راحه وحب أجمل
حب خلانى للقمه أوصل
فجأه بدل طريق وزعل
وبدل مايغرب بيا - شرق 
زمن غريب يجمع يفرق

وعرفنا كدا - طبع الزمن 
يجيب - يودى وإحنا التمن
بياع فراق مفهوش عيوب
يحب عشاق تسهر - تدوب
ليله واحده ساعات يادووب
ويرجع تانى يبيع - يسوق
زمن غريب يجمع يفرق 
ماشى بطريق ديما يغرق

كلمات 
حربي علي 
شاعرالسويس