زجل
(الدخان)
غزال وشرب الدخان
مش خايف م السرطان
صدره ياناس مليان
نيكوتين ويا القطران
قلت له بلاها سجاير
راحت أحلى ضفاير
خسيت ياحلو كتير
م الكحه وم التشخير
تقع من (أوطى) سرير
وماتجريش ربع الفدان
غزال وشرب الدخان
قالى عاوزنى (أبطل
)
تعالى ودينى المعمل
تعالى ودينى المعمل
(أحلل) ضغط وسكر
سندنى يمكن أقدر
وإدينى البوسه وكتر
وهات لى من الرمان
غزال وشرب الدخان
قلت له أبدا ماأبوسك
و(بوقك) عيان بفلوسك
خايف عليك ياحبيبى
(أعالجك) وإنت طبيبى
أصرف عليك من جيبى
وأبيع حتى (الدكان)
غزال وشرب الدخان
جات (التحاليل) سلبيه
وخايف المره الجايه
الحلو أبو خد وشامه
مايسمع حتى (ملامه)
يهجرنى بألف سلامه
ويشرب (شيشه) كمان
غزال وشرب الدخان
مش خايف م السرطان
زجل
ونقد ساخر
لحربي علي
شاعرالسو
ليست هناك تعليقات:
إرسال تعليق