(رساله إلي أم حربي علي

(رساله إلي أم)

بحبك 
غصب عني 
بحبك
غصب عن عقلي

أصل 
الل فيكي ميفرحش
ومفيش 
فيكي مايجرحش

أولادك 
بعدوا 
عننا إحنا الشعب
أحفادك 
جرفوا 
أرضنا وسقونا الغلب
وكل دا 
ولسه قلبك هوه قلبي
وكل دا
ولسه بحبك رغم غلبي
ومهما 
جرحتيناوجرجونا أولادك
ح يعيش 
العند فينا زي عنادك

ومهما الأم 
حرمت الإبن من صدرها
ومهما الحضن
نفسه إتحرم من ضمها
ح تعيش 
الأم هيه الأم بحبها
ح تعيش 
الأولاد تحضن إيدين أمها

ومع 
إني أنا العاشق حزين
ومع إن 
الأرض بقت للتانيين
أنا 
ح أرضع لبن صدرك
ح أعيش 
وأحضن بس حضنك

ولا 
ح أتغرب فيكي يوم
ولا 
ح أبعد نفسي وألوم
وأقول 
أنا ليه حبيتك مع إن :
عقلي بيقولي لا
ولا 
أنا ليه خبيتك ما بين :
ضلوعي وقلت آاه

واللي 
باقي م الإجابه 
ورغم غلبي
إنك إنت 
ديما في قلبي
ياأمي يامصر

حربي علي
شاعرالسويس